ТАСЫМАЛДАУ ҮШІН САУДА-САТТЫҚ

Тасымалдау үшін Сауда-саттықты нарықта жылжымалы құрамға сұраныстың тасымалдау қызметін ұсынудан (вагондардың тапшылығы) айтарлықтай асып түсуі байқалғанда жүргізген орынды. Тасымалдау үшін сауда-саттық сауда-саттыққа Тапсырыс беруші болатын жылжымалы құрам иелерінің лоттары бойынша өткізіледі. Сауда-саттыққа қатысушылар жүк базасының иелері болып табылады.

Тасымалдау үшін сауда-саттық өткізу логикасы өз ерекшелігіне ие. Лот деп сауда-саттыққа Тапсырыс беруші (вагон иесі) сауда-саттық жеңімпазының (жүк иесінің) жүктерін тасымалдауға міндеттенетін вагонжөнелтілулерінің белгілі бір саны түсініледі. Әр лоттың өзіне сәйкес сипаттамалары (жөнелту және межелі жолы, тасымалданатын жүктің түрі, жылжымалы құрамның түрі, тасымалдау мерзімі және сауда-саттықта тікелей анықталатын құны) беріледі. Лоттың бағасы теңгемен немесе Тапсырыс берушінің талабы бойынша басқа валютада бекітіледі. Лоттың бастапқы бағасын сауда-саттыққа Тапсырыс беруші не сауда-саттыққа қатысушылардың өздері лот бойынша бірінші баға ұсынысын берген кезде белгілей алады. Сауда-саттық барысында қатысушылар баға ұсыныстарын қабылдау басталған сәттен бастап сауда-саттық аяқталған сәтке дейін шектеусіз бере алады. Нақты уақыт режимінде жүйе ұсынылған лоттар бойынша ең тиімді баға ұсыныстарын көрсетеді. Лоттар бойынша жеңімпаздар электронды алаңның логикалық аппаратымен (back-end) сауда-саттық аяқталғаннан кейін автоматты түрде анықталады.

Вагон иелеріне тасымалдау үшін сауда жүк иелерінің жылжымалы құрамда жоғары қажеттілігі кезеңінде барлық сұраныс білдірушілерге тасымалдау қызметтерінің тең технологиялық қол жетімділігін қамтамасыз етуге мүмкіндік береді. Бұл ретте лоттардың мазмұны тасымалдау қызметтерін көрсету уақыты бойынша да, олардың мазмұны бойынша да әртүрлі болуы мүмкін. Мұндай жағдайда вагон иелері нарықтық баға белгіліміне қол жеткізе алады. Сонымен қатар мекеме өз кірістерін, вагондарды жөндеу жұмыстарының шығындарын және күрделі қаржы жұмсалымдарын ңақтырақ болжауға мүмкіндік алады. Екінші жағынан, жүк иелері ашық және тәуелсіз форматқа бағдарлай отырып, тауар бағасындағы тасымалдау құрамдасының және дайын өнімнің бағасын дәл болжай алады. Сауда рәсімдерінің басқа түрлерінен тасымалдау үшін сауда-саттықтың негізгі ерекшеліктері мыналар болып табылады:

  • Тасымалдау үшін сауда-саттыққа Тапсырыс беруші жеңімпазды таңдауға тікелей қатыспайды. Жеңімпаз алдын ала бекітілген жүйелі алгоритм бойынша анықталады. Әрбір сауда-саттыққа қатысушы өз еркімен - қандай бағаны және лоттардың қанша санына беруді өзі шешеді. Сауда-саттық бастапқы бағаның көтерілуі арқылы жүзеге асады.
  • Сауда - саттықтың мәні де ерекше-қатысушыларға тасымалдауға ұсынылатын вагондар саны, тапсырыстың ұзақ мерзімділігі, төлем шарттары және т. б. шарттар. Осылайша, тасымалдау үшін сауда-саттық екі жақты сауда-саттық кезіндегі спот тасымалы емес, көлемді жұмыс бойынша ұзақ мерзімді қарым-қатынастарды құруға бағытталған.
  • Тасымал үшін сауда - саттық процедуралық аспектілері көп - сауда-саттыққа Тапсырыс берушінің талаптары бойынша мұқият іріктеу жүргізіледі, сауда-саттық белгілі бір регламент шеңберінде өткізіледі, жеңімпаз шарт жасасу бойынша тиісті іс-қимылдарды қабылдауға және т. б. жауапкершілікті өзіне алады.